Расман. Эдин Жеко - "Фиорентина" футболчиси

39 ёшли ҳужумчи Эдин Жеко Италиянинг "Фиорентина" жамоаси аъзосига айланди. Бу ҳақда клуб матбуот хизмати маълум қилди.

Футболчи Туркиянинг "Фенербахче" клубидан эркин агент сифатида А Серия жамоасига ўтди. Хабар қилинишича, Жеко билан тузилган шартнома бир йилга мўлжалланган бўлиб, маълум шартлар бажарилганда автоматик равишда яна бир мавсумга узайтирилиши мумкин.

Жеко "Фенербахче" сафида 2023 йилдан бери тўп тепиб келаётган эди. Шу вақт мобайнида у 99 та ўйинда 46 марта рақиблар дарвозасини ишғол қилишга эришди. Бундан ташқари, ҳужумчи 18 та голли узатмани ўз ҳисобига ёздириб қўйган.