Расман: Элдор Шомуродов Туркия чемпионати тўпурари!

Туркия Суперлигасининг жорий мавсуми ўз ниҳоясига етди. “Истанбул Башакшеҳир” сафида ҳаракат қилган Элдор Шомуродов чемпионат доирасида 34 та учрашувда майдонга тушиб, 22 та гол киритди.

Ушбу натижа орқали ўзбекистонлик ҳужумчи “Олтин бутса”ни қўлга киритишга муваффақ бўлди. У билан бир хил — 22 тадан гол урган “Трабзонспор” ҳужумчиси Пол Онаучу эса иккинчи ўринни эгаллади.

Маълумот учун, футболчи ўтган ёзги трансферлар ойнасида “Рома”дан “Башакшеҳир” сафига келиб қўшилган эди. Истанбулликлар мавсумни 57 очко билан 5-поғонада якунлади.