Расман: Эшли Янг "Интер" футболчиси

"Манчестер Юнайтед" ҳимоячиси Эшли Янг расман "Интер" футболчисига айланди.

34 ёшли инглиз "нерадзуррилар" билан 2020-йил 30-июнгача шартнома имзолади. Аммо "Интер"да келишувни яна бир мавсумга чўзиш имконияти мавжуд.

Ушбу трансфер 1,5 миллион еврони ташкил қилгани тахмин қилинмоқда. Олдинроқ, Эшли Янг бир ярим йил давомида "Интер"да 6 миллион евро ишлаб топиши хабар қилинган эди.

Янг МЮ таркибига 2011-йил келиб қўшилган эди. Умумий ҳисобда у манкунианликлар учун жами 219 та ўйин ўтказиб 19 та гол киритган.