Расман! Фредрик Юнгберг "Арсенал" мураббийлар штабида иш бошлади

"Арсенал" клуби афсоналаридан бири Фредрик Юнгберг расман “канонирлар” мураббийлар штабида иш бошлади. Бу ҳақда клуб расмий сайти хабар бермоқда.

Унга кўра 42 ёшли мутахассис бундан буён жамоа бош мураббийи Унаи Эмерига  ассистент сифатида фаолият олиб боради.

Эслатиб ўтамиз, Юнгберг ўтган мавсум “Арсенал”нинг (U23) ёшлар жамоасини бошқарди.

Маълумот учун, Юнгберг 1998-2007 йилларда “Арсенал” шарафини ҳимоя қилган ва 216та ўйинда майдонга тушиб, 46та гол уришга эришган.