Расман! Ҳожимат Эркинов жамоаси РПЛни тарк этди

"Торпедо" Россия премьер-лигасидан чиқиб кетди. Москва клуби плей-офф йўлланмаси учун математик имкониятларни ҳам бой берди.

Кеча, 13 май куни Хосеп Клотет шогирдлари РПЛнинг 27-туридан ўрин олган учрашувда ЦСКАдан йирик 0:3 ҳисобида мағлуб бўлишди.

"Торпедо" 13 очко жамғарган ҳолда турнир жадвалининг сўнгги поғонасида бормоқда. "Пари Нижний Новгород" футбол клуби жойлашган 14-ўриндан фарқ ўн очкони ташкил этади ва шу билан бирга, "Нижний Новгород" жамоасининг ўйини бор.

“Торпедо”нинг учта ўйини бор: “Динамо”, “Локомотив” ва “Оренбург”га қарши. Уларнинг барисида ютган тақдирда ҳам жамоа барибир олий лигада қолмайди.