Расман! Игорь Шквирин "Турон"дан кетди

Хабарингиз бор,"Турон" жамоаси Суперлиганинг 23-тури доирасида Тошкентнинг "Бунёдкор" клубига имкониятни бой берди.

Куни кеча клуб раҳбарияти ва мураббийлар штаби вакиллари иштирокида навбатдан ташқари йиғилиш бўлиб ўтди ва жамоа томонидан қайд этилаётган қониқарсиз натижалар танқидий кўриб чиқилди.

Мазкур йиғилиш якунида, бош мураббий лавозимида ишлаб келаётган Игорь Анатольевич Шквирин ҳоҳишига кўра истеъфога чиқарилди ва клуб билан дўстона хайрлашди. Бу ҳақда клуб матбуот хизмати хабар берди.

Эслатиб ўтамиз, аввалроқ мураббийнинг ўзи ҳам SPORTS.uz сайтига берган интервьюсида жамоа билан хайрлашганини маълум қилганди.