Расман. Испания Де ла Фуэнте билан шартномани узайтирди

Испания Қироллик футбол федерацияси бош мураббий Луис де ла Фуэнте билан шартномани расман узайтирганини эълон қилди. Мутахассис билан имзоланган янги шартнома 2028 йилгача мўлжалланган.

Луис де ла Фуэнте 2022 йил декабрь ойида Қатарда бўлиб ўтган жаҳон чемпионатининг 1/8 финалида Марокашдан мағлубиятга учраган Луис Энрике истеъфога чиққанидан сўнг Испания терма жамоасига мураббийлик қилишни бошлаган.

Унинг қўл остида миллий терма жамоа "Евро-2024" ғолиби бўлди. Турнир финалида испанияликлар Англияни 2:1 ҳисобида мағлуб этишди.