Расман! Жоау Фелиш "Челси" футболчиси

Португалиялик Жоау Фелиш расман "Челси" футболчисига айланди. "Аристократлар" футболчининг ижараси учун 10 милллион евро сарфлади ва унинг ойлик маошини ҳам тўлиқ тўлайди.

Шартномага кўра, вингер 6 ойни Лондонда ўтказади ва "Атлетико"га қайтади. У Мадрид клуби билан амалдаги шартномасини 2027 йилгача узайтирди ҳам.

Португалиялик футболчи жамоа бош мураббийи Диего Симеоне билан алоқалари ёмонлашгач, клубни тарк этиши аниқ бўлганди. Ёзда аргентиналик мутахассиснинг "Атлетико"дан кетиши кутилмоқда.