Расман! Клаудио Браво "Манчестер Сити"ни тарк этди

Чилилик дарвозабон Клаудио Браво “Манчестер Сити”ни тарк этди. Бу ҳақда клуб расмий сайти хабар тарқатмоқда.

37 ёшли посбон “шаҳарликлар” сафига 2016 йил “Барселона”дан кўчиб ўтган эди. У ўтган тўрт йил мобайнида “Сити”да жами 61 та ўйинда майдонга тушди ва шуларнинг 20 тасида ўз дарвозаси дахлсизлигини сақлаб қолди. Браво “Манчестер Сити” билан жами 8 та соврин қўлга киритди, шу жумладан 2 марта АПЛ ғолиби бўлди.

Ҳозирча Браво фаолиятини қаерда давом эттириши борасида маълумотлар йўқ.