Расман! Клаудио Браво яна Ла Лигага қайтди

“Барселона” ва “Манчестер Сити” клублари собиқ дарвозабони Клаудио Браво фаолиятини "Бетис"да давом эттирадиган бўлди.

37 ёшли чилилик посбон Ла Лига жамоаси билан 2021 йилга қадар шартнома имзолади. Бу ҳақда клуб расмий сайти хабар тарқатмоқда.

Браво "Манчестер Сити"ни эркин агент сифатида тарк этган эди. У фаолияти давомида "Коло-Коло", "Реал Сосьедад" ва "Барселона" жамоаларида тўп сурган.