Расман! "Лион" футболчиси АПЛ клубига кўчиб ўтди

"Лион" ҳимоячиси Кенни Тете "Туманли альбион"га кўчиб ўтди.

"Фулхэм" клуби 24 ёшли футболчи билан 4 йиллик шартнома имзолаганини расман маълум қилди. Шунингдек, томонлар розилигига кўра, битим муддати яна 1 йилга узайтирилиши мумкин. Нидерландиялик фулбек янги жамоаси сафида 2-рақамда ҳаракат қилади.

Тете ортда қолган мавсум "шерлар" таркибида 10 та ўйинда майдонга тушган ва клубининг Чемпионлар Лигаси кучли тўртлигидан ўрин олишига муносиб ҳисса қўшган эди.