Расман. "Манчестер Юнайтед" Харри Магуайр билан шартномани узайтирди

"Манчестер Юнайтед" клуби ҳимоячи Харри Магуайр билан шартнома узайтирилганини расман эълон қилди.

Клуб ва 33 ёшли футболчи ўртасидаги янги келишув 2027 йил ёзигача амал қилади. Шунингдек, шартномада яна бир мавсумга узайтириш имконияти ҳам киритилган.

Магуайр "Юнайтед" сафига 2019 йилда қўшилган эди. Шу вақтдан бери у жамоа таркибида 266 та учрашувда майдонга тушган бўлиб, 17 та гол урган ва 9 та голли узатмага муаллифлик қилган.