Расман! Мане "Ливерпуль"дан бошқа жамоага кўчиб ўтади!

"Ливерпуль" футболчиси Садио Мане "Бавария" сафига кўчиб ўтади. Бу ҳақда таниқли инсайдер Фабрицио Романо хабар берди. 

Манбага кўра, вингер Мюнхен клуби билан 3 йиллик шартномага розилик билдирган. Бугун икки жамоа ўртасидаги музокаралар жараёнидан сўнг Мане деярли расман "Бавария" футболчисига айланган.

Шунингдек, "BBC Sports" нашрининг хабар беришича, Садионинг "Бавария"га ўтиши Германия чемпионлари учун 41 миллион еврога тушади. Бу сумма ўз ичига турли бонусларни ҳам олади.

Статистикага кўра, Садио Мане якунланган мавсум "Ливерпуль" сафида жами 51 та ўйинда 23 гол ва 5 ассистни ўз ҳисобига ёздириб қўйган.