Расман: Муродов октагонга кўтариладиган, Нурмагомедов - Фергюсон жанги бўлиб ўтадиган UFC 249нинг манзили ўзгартирилди

UFC промоушени ҳамюртимиз Маҳмуд Муродов жанг қиладиган ва Хабиб Нурмагомедов - Тони Фергюсон қарама-қаршилиги бўлиб ўтадиган UFC 249 турнирининг манзилини ўзгартирди.

Ушбу оқшом 18 апрель куни Нью-Йоркда бўлиб ўтиши керак эди, аммо коронавирус кенг тарқалгани муносабати билан жанг бошқа жойга кўчирилди.

Ушбу қарор, Нью-Йорк штати атлетика комиссияси томонидан берилган кўрсатмаларга мувофиқ, шунингдек, Нью-Йорк штатининг катта оммавий йиғилишларни чеклашларига биноан қабул қилинди.

Чипталарни харид қилганлар тўлиқ қайтариб беришлари мумкин. Шунингдек, телефон ва интернет орқали буюртма берганларнинг барчаси бекор қилинади ва тўловлари қайтариб берилади.

Маълумот учун, UFC 249 турнири қайерга кўчирилгани ҳозирча номаълум.

Матнда хатолик топсангиз, ўша хатони белгилаб, бизга жўнатинг (Ctrl + Enter)