Расман! "Навбаҳор" бош мураббийи истеъфога чиқарилди

Сергей Лушан истеъфога чиқарилди. Бу ҳақда клуб матбуоти хабар берди. 

“Навбаҳор” футбол клуби жамоа бош мураббийи Сергей Иванович Лушан билан тузилган меҳнат шартномасини бекор қилди.

Эслатиб ўтамиз, Сергей Лушан ўтган мавсумнинг 2-даврасида жамоамизга бош мураббий этиб тайинланганди. Унинг бошқарувида “лочинлар” Суперлигада 35 та ўйин ўтказиб, 16 та ғалаба, 9 та дуранг, 10 та мағлубият, Ўзбекистон кубоги доирасидаги баҳсларда эса 8 та учрашувда майдонга тушиб, 5 та ғалаба (иккитаси пеналтилар серияси бўйича), 1 та дуранг ҳамда 2 та мағлубиятни қайд этишди. 
Биз Сергей Ивановичга “Навбаҳор”даги фаолияти учун ўз миннатдорчилигимизни билдирган ҳолда, кейинги фаолиятида омад ёр бўлишини тилаймиз", - дейилади хабарда.