Расман! "Пахтакор" футболчиси АГМК аъзосига айланди

АГМК клубининг расмий "Телеграм" саҳифаси "Пахтакор" қанот ҳимоячиси Акром Комилов билан шартнома имзоланганини хабар бермоқда:

"АГМК жамоаси селекция ишларини жадаллик билан давом эттирмоқда ва клуб навбатдаги трансферга қўл урди.Чап қанот ҳимоячиси Акром Комилов фаолиятини жамоамизда давом эттирадиган бўлди. Ўтган мавсумларда «Пахтакор» шарафини ҳимоя қилган футболчи ижара асосида АГМКга ўтди ва 2021 йил якунига қадар шартнома имзолади. Акром Комилов 1996 йил 14 март куни таваллуд топган. 2014-2018 йиллар давомида «Бунёдкор» шарафини ҳимоя қилган ҳамда 2019-2020 йилги мавсумларни «Пахтакор» клубида ўтказган. Комилов 7 йиллик фаолияти давомида жами 180 ўйин ўтказган ва 7та голга муаллифлик қилган.

АГМК аҳил оиласига хуш келибсан, Акром!", - дейилади клуб матбуот хизмати тарқатган хабарда. 

Фикрлар

Фикр қолдириш учун авторизациядан ўтинг!