Расман! "Пахтакор" навбатдаги легионер футболчи трансферини эълон қилди

"Пахтакор" навбатдаги легионер футболчини таништирди. Брайан Риаскос "шерлар"нинг янги аъзосига айланди.

1994 йил Колумбияда таваллуд топган Риаскос Ўзбекистонга Хитойнинг "Циндао Вест Кост" жамоасидан ташриф буюради. Чин юртида 16 та ўйинда 6 та гол урган ҳужумчи клубда 94-рақамда ўйнайди. Фаолияти давомида "Газиантеп", "Металлист", "Насьонал" каби клубларда тўп тепган.

"Ўзбекистоннинг энг кучли жамоасида тўп тепишимдан хурсандман. Туғилган йилимга монанд 94-рақамни танлайман ва "Пахтакор" мухлисларини ўз голларим билан хурсанд қиламан", - дейди Риаскос.