Расман! Португалия миллий терма жамоасининг янги бош мураббийи эълон қилинди

Португалия миллий терма жамоасининг янги бош мураббийи эълон қилинди.

Федерация матбуот хизмати тарқатган хабарга кўра, Роберто Мартинес жамоа бошқарувига келди. У ЖЧдан кейин истеъфога чиқарилган Фернанду Сантушнинг ўрнини эгаллайди.

Бунгача Мартинес Бельгия терма жамоаси устози сифатида ишлаб келаётганди. У Россия яшил майдонлари мезбонлик қилган мундиал бронза медали соҳиби ҳисобланади.