Расман! ПСЖ етакчиларидан бири "Барселона"га қарши ўйинни ўтказиб юборади

"Пари Сен-Жермен" клуби бош мураббийи Маурисио Почеттино жамоа ярим ҳимоячиси Анхель Ди Мария УЕФА Чемпионлар лигаси 1/8 финалидан ўрин олган "Барселона"га қарши дастлабки ўйинни ўтказиб юборишини айтди.

“Ди Мария масаласи ёпилди. Аммо Анхелнинг йўқлигига қарамай, биз “Барселона”га қарши режаларимизни ўзгартирмаймиз. Биз тўғри йўлни топамиз”, - деди Почеттино.

32 ёшли Ди Мария жорий мавсум ПСЖ сафида 25 та ўйинда майдонга тушди ва ўз ҳисобига 5 та гол ҳамда 12 та голли узатма ёздириб қўйди. "Барселона" – ПСЖ ўйини эса 16 февраль куни бўлиб ўтади.