Расман: Рафаэль Бенитес “Панатинаикос”нинг янги бош мураббийи!

Грециянинг “Панатинаикос” клуби матбуот хизмати жамоанинг янги бош мураббийи этиб Рафаэль Бенитес тайинланганини эълон қилди. Бу ҳақда клуб ижтимоий тармоқдаги саҳифасида расмий хабар жойлаштирган.

Бенитес кенг жамоатчиликка “Валенсия”ни бошқарган даврида танилган. У жамоа билан икки бор Испания чемпиони бўлган ва УЕФА кубогини қўлга киритган. 2004/2010 йиллар оралиғида эса мутахассис “Ливерпуль” клубига устозлик қилган ва "мерсисайдликлар" унинг қўл остида 2004/2005 йилги мавсумда Чемпионлар Лигасида ғалаба қозонган.

Маълумот учун, испаниялик мутахассиснинг сўнгги иш жойи “Сельта” клуби бўлиб, у ерда 2023 йилнинг июлидан 2024 йилнинг мартигача фаолият олиб борган.