РАСМАН! UFC чемпиони жароҳат олди ва титульдан ўз хиҳишига кўра воз кечди.

РАСМАН! UFC‘нинг ярим оғир вазнида жаҳон чемпиони америкалик Джамал Хилл (12-1, 1NC) товонидан олган жароҳати сабабли узоқ муддатда жанглардан узоқлашадиган бўлди ва шу сабабли ўз хоҳишига кўра камарни вакантга айлантирди!
Бу ҳақда жангчининг ўзи ўзига тегишли бўлган YouTube канал жонли эфирида маълум қилди:
"Ҳамма менинг Иржи Прохазкага қарши чемпионлик жангимни кутаётган эди. Аммо, бу бироз кейинга суриладиган бўлди. Товонимни пайи узилиб кетди ва мен билан шундай кўнгилсиз воқеа содир бўлиб қолди. Ушбу жароҳат операция қилиниши керак. Тикланиш учун эса кўп вақт талаб қилинади. Менга ҳам вақтида Иржининг жароҳати сабабли чемпионлик жанги насиб қилганди, мен ҳам худди шу ишни қиламан.
Айни дамда, барча диққат-эътиборим соғайишга қаратилган. Қайтишим билан ўзимга тегишли камарни яна қайтариб оламан. Шунақаси ҳам бўлиб тураркан. Бу ҳам мен бошлаган эртакнинг бир қисми!"
Маълумотларга қараганда, Хилл UFC 290: Volkanovski vs. Rodriguez турнири доирасидаги "Ҳалқаро Жанг Ҳафталиги" доирасида ўтказилган кўргазмали баскетбол ўйинида ушбу жароҳатни орттириб олган.