Расмий хабар! "Андижон" ўз сафига яна бир легионер қўшиб олди

«Андижон» жамоаси таркибни легионер футболчилар билан кичрайтиришда давом этади! Қозоғистон терма жамоаси аъзоси Владислав Василев "Андижон" футболчисига айланди. Бу ҳақда клуб матбуот хизмати хабар берди.

1997 йилда туғилган марказий ярим ҳимоячи Владислав Василев фаолиятини Бразилиянинг "Оле Бразил" жамоасида бошлаган. Шунингдек, Владислав фаолияти давомида Қозоғистоннинг "Шахтёр Булат", "Шахтёр Караганда". Беларуснинг "Энергетик БГУ", "Рух", "Динамо Брест" жаноаларида топ тепган. Футболчининг сўнги жамоаси "Энергетик БГУ" ҳисобланади.

Футболчи ушбу мавсумда "Энергетик БГУ" сафида 17 ўйинда майдонга тушиб, 6 та гол ва 9 та голли узатма амалга оширишга эришган.