Расмий хабар! "Брентфорд" Ўринбоев трансферини эълон қилди
"Пахтакор" футболчиси Муҳаммадали Ўринбоев Англиянинг "Брентфорд" клубига ижарага берилгани ҳақида хабар бергандик. АПЛ клуби ҳам футболчимиз трансферини расман эълон қилди.
Клублар ўртасидаги келишувга мувофиқ, у 30 июнга қадар "Брентфорд"да ижарада асосида ўйнайди. Ушбу муддатдан кейин эса Англия клуби Муҳаммадалини сотиб олиш ҳуқуқига эга бўлади. Ўринбоев "Пахтакор"да 17 ёшга тўлмасдан ўз дебютини ўтказган ва ўз ёш тоифасида терма жамоа аъзоси саналади.
Бу ҳақда футболчимизнинг ўзи қуйидагича фикр билдирди:
- Ҳар бир ёш футболчи учун Англия премьер-лигаси каби кучли лигада тўп тепиш орзу саналади. Шундай ажойиб клуб сафига қўшилганимдан ва мақсадларимга секин-асталик билан эришиб бораётганимдан мамнунман.
Шу ергача етиб келишимда ёрдам берган ота-онамга, "Пахтакор"даги мураббийларга, дўстларимга ва умуман, барча-барчага ўз миннатдорчилигимни изҳор этаман. Энди янада қаттиқроқ меҳнат қиламан ва ўзбек футболчиларининг нималарга қодир эканини бутун дунёга кўрсатаман, Худо хоҳласа.
Фикрлар