Райола машҳур мижозининг хизматларини "Реал"га таклиф қилмоқда

Машҳур футбол агенти Мино Райола “Ювентус”даги мижози Маттайс де Лигтнинг хизматларини “Реал”га таклиф қилмоқда. Бу ҳақда Defensa Central нашри хабар тарқатмоқда.

Юқоридаги манбага кўра, Райола А Серияга мослашиб кета олмаган голландиялик футболчи учун муносиб жамоа топмоқчи. “Қироллик клуби” эса ёши ўтиб бораётган Серхио Рамосга ўринбосар қидирмоқда ва бу борада айнан де Лигт номзоди улар учун айни муддао бўлиши мумкин.

Айтиш лозимки, “Ювентус” де Лигтни ўтган ёз “Аякс”дан 85 млн еврога сотиб олган эди. Унинг айни дамдаги трансфер нархи эса 75 млн еврога баҳоланмоқда.