"РБ Лейпциг" 20 ёшли аргентиналик ҳимоячи билан шартнома имзолади

Аргентинанинг "Ривер Плейт" клуби ҳимоячиси Марсело Сараччи фаолиятини "РБ Лейпциг"да давом эттирадиган бўлди.

Немис клуби расмий сайти тарқатган хабарга кўра 20 ёшли аргентиналик футболчи янги жамоаси билан 2023 йилгача шартнома имзолаган. Унинг трансфери эса “Лейпциг”га 13,5 млн еврога тушган.

Маълумот учун, Сараччи "Ривер Плейт" сафида 2017 йилдан буён тўп суриб келмоқда. У ўтган давр мобайнида ушбу клуб сафида жами 23та баҳсда иштирок этган.