RCC бу сафар "совға" тайёрламагандир ёхуд Жаҳонгир Расулов яна бир мағлубиятсиз боксчига қарши...

Хабар бериб ўтганимиздек, 6 сентябрь куни Россиянинг Челябинск шаҳрида RCC промоушени томонидан профессионал бокс кечаси ташкил этилади. Ушбу бокс оқшомида 4 нафар ўзбекистонлик боксчилар ҳам рингга кўтарилади. Улар қаторида мағлубиятсиз одимлаётган ҳамюртимиз Жаҳонгир Расулов ҳам навбатдаги жангини ўтказади. У россиялик яна бир мағлубиятсиз одимлаётган чармқўлқоп устаси Иван Козловский билан баҳс юритади. Мазкур жанг супер енгил (63,5 кг) вазн тоифасида бўлади. 

 Жаҳонгир Расулов 7 та ғалабалик сериядан сўнг, сўнги жангини айнан RCC бокс кечасида Гор Хачатрянга қарши ўтказган ва шубҳали тарзда дуранг қайд этилганди. Ушбу жанг жуда катта баҳс мунозараларга сабаб бўлганди. Хачатряннинг ўзи ғам Жаҳонгирни ғалабасини тан олганди. Хуллас, Жаҳонгир бу сафар 9-0 ғалабали серияга эга рақибга қарши жанг қилади. Албатта, RCCдан бу сафар ҳам "совға"лар бўлмаса, юртдошимизнинг имконияти анчагина юқори... Албатта, мазкур жангда ҳамюртимизга омад тилаймиз!