"Реал" 150 миллион еврога қайси футболчини сотиб олиши маълум бўлди

"Реал Мадрид" президенти Флорентино Перес яқин кунларда Европа топ-клубларидан бирига унинг футболчиси учун 150 миллион евро таклиф қилиниши мумкинлигини маълум қилди.

Унинг таъкидлашича, гап Майкл Олисе, Харри Кейн ёки Эрлинг Холанд ҳақида кетмаяпти.

Журналист Аранча Родригеснинг хабар беришича, мадридликларни қизиқтираётган футболчи ПСЖ ярим ҳимоячиси Жоау Невеш ҳисобланади. Манбага кўра, "қаймоқранглилар" португалиялик футболчини ёзги трансферлар ойнасида ўз сафига қўшиб олишни режалаштирмоқда.

Шунингдек, Перес жамоа бош мураббийи лавозимига Жозе Моуриньо тайинланишини ҳам айтди.