"Реал" 19 ёшли ярим ҳимоячига жиддий қизиқмоқда

"АЗ Алкмаар" марказий ярим ҳимоячиси Кес Смит Мадриднинг "Реал" клубига ўтиши мумкин. Бу ҳақда Diario AS хабар бермоқда.

Манбага кўра, "Реал" 19 ёшли футболчини ўз сафига қўшиб олишга катта қизиқиш билдирмоқда. Шу билан бирга, Смитнинг ўзи ҳам "Реал"га ўтишни орзу қилаётгани таъкидланган. Бундан ташқари, яқинда футболчи кўчада "қаймоқранглилар" либосида суратга тушган.

2024/25-йилги мавсумда Смит барча турнирларни ҳисобга олган ҳолда 43 та ўйинда қатнашиб, ўнта гол урди ва еттита голли узатмани амалга оширди.

Смитнинг клуб билан амалдаги шартномаси 2028 йилга қадар имзоланган. Transfermarkt маълумотларига кўра, футболчининг нархи беш миллион еврони ташкил этади.