"Реал" 94 йиллик натижани такрорлади

Испания Ла Лигаси 15-туридан ўрин олган "Реал" Вальядолид - "Реал" Мадрид учрашуви ниҳоясига етди. Унда меҳмонлар 2:0 ҳисобида зафар қучди.

"Қаймоқранглилар" етакчиси Карим Бензема дубль қайд этиб, жамоасининг ғалабасини таъминлади. Ушбу натижа орқали мадридликлар 1928 йилдан бери илк бор 30 декабрь санасида ғалаба қозонди.

Сўнгги марта "қироллик клуби" 94 йил олдин шундай натижага эришган. Шундан сўнг жамоа бу санада 3 дуранг ҳамда 3 мағлубият қайд этганди.

Айни пайтда Карло Анчелотти шогирдлари 38 очко билан турнир жадвалида пешқадамлик қилмоқда.