“Реал” Англиядан зўр вундеркинд топди

Мадриднинг “Реал” клуби “Тоттенхэм”нинг 19 ёшли ярим ҳимоячиси Арчи Грейни сотиб олиш имкониятини ўрганиб чиқишга киришди.

Sports Boom нашри маълумотига кўра, мадридлик скаутлар футболчининг салоҳиятини юқори баҳоламоқда ва айниқса, босим остида ўзини тута билиш қобилиятини алоҳида тилга олди. “Қироллик клуби”да ёш истеъдодни ярим ҳимоядаги мослашувчан ротацияни узоқ муддатли мустаҳкамловчи ўйинчи бўлишига ишонишмоқда.

Шунингдек, Арчига Мюнхеннинг “Бавария” жамоаси ҳам жиддий қизиқмоқда. Немис гранди уни таянч ярим ҳимоячи ва юқори савиядаги ўнг ҳимоячи позицияларида ўйнай оладиган гибрид футболчи сифатида трансферлар рўйхатига киритган.

Арчи Грейнинг “Тоттенхэм” билан шартномаси 2030 йилнинг ўртасигача амал қилади. Англиялик футболчининг ҳозирги трансфер қиймати тахминан 55 миллион фунт стерлингни ташкил этади.

Аммо таҳлилчилар 2027 йилга келиб, унинг кутилган трансфер қиймати 100 миллион фунтдан ошиб кетишини прогноз қилмоқда. “Шпорлар” ҳозирча футболчи билан хайрлашиш ниятида эмас ва уни келажакда асосий таркиб ўйинчиси сифатида кўрмоқда.