"Реал" АПЛдан футболчи олиб келиши мумкин

Англиянинг "Вест Хэм" жамоаси сардори Деклан Райс фаолиятини Мадриднинг "Реал"ида давом эттириши мумкин. Журналист Жанлука ди Марционинг сўзларига кўра, "қироллик клуби" бош мураббийи Карло Анчелотти англияликни жуда яхши кўради ва бу трансферни "қаймоқранглилар" раҳбариятидан сўраган.

Эслатиб ўтамиз, Райсга "Манчестер Юнайтед", "Арсенал" ва "Челси" клублари жиддий қизикиш билдирмоқда. ''Transfermarkt" портали 24 ёшли инглизнинг нархини 80 миллион еврога баҳоламоқда.

Маълумот учун, англиялик ярим ҳимоячининг лондонликлар билан амалдаги шартномаси 2024 йилнинг ёзида якунланади ва футболчининг ўзи жамоада ортиқ қолиш нияти йўқлигини билдирган.