"Реал" арзонга Ла Лиганинг энг зўр ёш ўйинчисини олди

«Реал» клуби «Леванте» тарбияланган ёш ҳужумчи Карлос Эспи билан шартнома имзолаганини эълон қилди.

21 ёшли футболчи Мадрид жамоаси билан 2031 йил 30 июнга қадар мўлжалланган узоқ муддатли шартнома тузди.

Карлос Эспининг «Реал»га ўтиши «Леванте» академияси тарбияланувчилари орасидаги энг йирик трансфер сифатида клуб тарихига кирди. Аввалроқ мадридликлар футболчининг шартномасида кўрсатилган 25 миллион евро миқдоридаги тўловни қоплагани ҳақида хабар берилган эди.

Ўтган мавсумда Эспи Ла Лига доирасида 25 ўйинда майдонга тушиб, 11 та гол урди ва мусобақанинг энг яхши ёш футболчиси, деб топилди.