"Реал" Азар борасида бир қарорга келди

Бельгиялик ярим ҳимоячи Эден Азар "Реал" Мадридни тарк этиш ниятида эмас. "Маrcа" нашри хабарига кўра, "қироллик клуби" раҳбарияти эҳтимолий суд жараёнларидан қочиш учун футболчининг кетишини талаб қилмайди.

Олдинроқ ярим ҳимоячи маошини тушириш учун сотиб юборилиши мумкинлиги хабар қилинганди. Азар "қаймоқранглилар"нинг энг кўп маош олувчи футболчиси ҳисобланади. Эденнинг мадридликлар билан амалдаги шартномаси 2024 йилнинг ёзига қадар тузилган.

Испания чемпионатининг жорий мавсумида 32 ёшли футболчи 5 та учрашув ўтказиб, битта голли узатмани амалга оширган.