"Реал" Бэйлнинг 19 ёшли ҳамюртини жамоага олиб келмоқчи

"Реал" Мадрид клуби "Шальке" ярим ҳимоячиси Рабби Матондога қизиқиб қолди. Бу ҳақда OK Diario нашри хабар тарқатмоқда.

Унга кўра, “қироллик клуби” 19 ёшли уэльслик футболчини яқинлашиб келаётган ёзги трансферлар давридаёқ сотиб олмоқчи. Футболчининг товон пули эса 60 млн еврони ташкил этади, аммо мадридликлар унга бунча пул сарфламоқчи эмас.

Айтиш лозимки, Матондога "Манчестер Юнайтед", "Бавария", "Ливерпуль" ва "Арсенал"дан қизиқишлар бор. У жорий мавсум, “Шальке”да 16 та ўйинда майдонга тушди ва 1 та гол урди. Унинг гельзенкирхенликлар билан шартномаси 2023 йилга қадар имзоланган.