“Реал”: Бу футболчи сотилмайди!

Мадриднинг “Реал” клуби раҳбарияти жамоа ярим ҳимоячиси Орельен Тчуамени келажаги бўйича якуний қарорга келди.

“Қироллик клуби” мутасаддилари Англия Премьер-лигасининг бир неча клубларидан таклиф бўлаётганига қарамай, франциялик футболчини ўз таркибида сақлаб қоладиша бўлди.

Бу ҳақда Sports Illustrated нашри ахборот берди.

Манба маълумотига кўра, 26 ёшли франциялик юлдуз “Реал”нинг майдон марказидаги  асосий ўйинчиси ҳисобланади ва клуб хўжайинлари уни жамоа таркибида дахлсизлар қаторига киритди.

Мадридликлар Тчуаменининг 2028 йил ярмигача давом этадиган шартномасини яна узайтиришни мўлжаллаяпти. Шу тариқа, бу ўйинчининг трансфери блокланади.

Аввалроқ, Тчуаменига “Ливерпуль” ва “Манчестер Юнайтед” қизиқиш билдирган эди, энди эса ўйинчи учун курашга “Манчестер Сити” ҳам қўшилди. Англия клублари уни ўрта чизиқни кучайтирадиган ўйинчи сифатида танлаган.

Бироқ “Реал”да бу футболчи бўйича трансфер имкониятларини муҳокама қилиш нияти йўқ ва ҳар қандай таклифларни рад этишга тайёр.