"Реал" "Челси" футболчиси билан келишувга эришди

"Реал" Мадрид клуби "Челси" ҳимоячиси Антонио Рюдигер билан оғзаки келишувга эришди. Бу ҳақда таниқли журналист Фабрицио Романо хабар берди. 

Юқоридаги манбага кўра, клуб ва футболчи ўртасида расмий шартнома имзоланмаган. Улар фақат молиявий масалаларни келишиб олгани айтилмоқда.

"Қироллик клуби" германиялик футболчига кўп йиллик битим таклиф қилади. Шу тариқа, Антонио мавсум якунлангач, эркин агент сифатида Мадрид клуби сафига бориб қўшилади.

Аввалроқ, "Челси" бош мураббийи Томас Тухель ёзда Рюдигер клубдан кетишини тасдиқлаганди.