“Реал” чемпион қиладиган мураббийга қанча тўлайди?

“Эвертон”ни ташлаб, “Реал”ни қабул қилиб олган италиялик мутахассис Карло Анчелоттининг янги жамоадаги маоши аниқ бўлди.

Маълумотларга қараганда, тажрибали мутахассис бир мавсум учун олти миллион евро миқдорида маош олади. Унга жамоани ўйинларга тайёрлашда ўғли Давиде ва жисмоний тайёргарлик бўйича мутахассис Антонио Пинтус ёрдам беради.

“Қироллик клуби” раҳбарияти Анчелотти билан уч йиллик шартнома имзолаганини эълон қилганди. Бу мутахассис зиммасига Испания чемпионати, Чемпионлар лигаси ва бошқа мусобақаларда ғолиб чиқиш вазифаси юклатилади.

Анчелотти 2013-2015 йиллар давомида ҳам мадридликларни бошқарган. Бу мураббий қўл остида “Реал” узоқ йиллик танаффусдан сўнг Чемпионлар лигасида ғолиб чиққади.

Кейинчалик италиялик мураббий “Бавария”, “Наполи” ва “Эвертон”да ишлади.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар