“Реал” энг кучли ҳимоячини трансфер қилади

“Челси” вакили Рис Жеймс ёзда “Реал”га ўтиб кетиши кутилмоқда. Мадридликлар бу ўйинчига жиддий қизиқиш билдирмоқда. Риснинг ўзига ҳам “Реал” варианти жуда маъқул тушмоқда.

“Қироллик клуби” мураббийлар штаби қанот ҳимоячиси Дани Карвахалнинг ўйинидан қониқмаяпти. Ёши ўтиб қолаётган бу футболчи мавсумни барқарор ўтказа олмаётган мураббийлар штабига муаммо туғдиряпти.

Мадридликлар бош мураббийи Карло Анчелотти Рис Жеймсни замонавий футболнинг энг зўр ўнг қанот ҳимоячиларидан бири сифатида эътироф этмоқда.

Жеймс ҳимоячи бўлишига қарамай, ҳужумга қўшилишни ҳам маҳорат билан уддалайди. 22 ёшли ўйинчи премьер-лигада 22 та учрашувда бешта гол ва олтита ассист муаллифи бўлди. Унинг трансфери 55 миллион еврони ташкил қилади.