"Реал" етакчиси "эл-класико"ни ўтказиб юборишидан хавотирда

"Реал" "Барселона"га қарши учрашувда бельгиялик вингер Эден Азар иштирок эта олмаслигидан хавотир олмоқда.

"Marca" нашри тарқатган хабарга кўра, Азар бу беллашувгача тикланишга улгурмайди. Қолаверса, мураббийлар штаби ҳам уни тўлиқ тикланмагунича ўйинга туширишга қарши. 29 ёшли футболчи ўтган мавсумдаги хатоларини такрорламасликка ҳаракат қилмоқда. Азар 2019/20 йилги мавсумда жароҳатидан тўлиқ тузалмай, бир нечта ўйинларда иштирок этган ва жароҳатини оғирроқ даражага келтириб олган эди.

Ушбу мавсумнинг илк "эл-класико"си 24 октябрь куни 19:00 да бошланади.