"Реал" футболчиси фанатлар эътирозига очиқ жавоб берди

«Реал» жамоаси ҳимоячиси Дин Хёйсен Чемпионлар Лигасида «Интер»га қарши ўйин пайтида мухлислар томонидан билдирилган норозиликка очиқча муносабат билдирди. Мадридда ўтган беллашувда трибуналардан жамоа ўйинига нисбатан ҳуштакбозлик янгради, шунга қарамай, «Реал» майдонни 2:1 ҳисобидаги ғалаба билан тарк этди.

Хёйсеннинг таъкидлашича, учрашув жуда кескин ва драматик ўтган. Унга кўра, «Реал» футболчилари бундай босимга тайёр, чунки қайси даражадаги клуб шарафини ҳимоя қилаётганини яхши англашади.

«Мухлислар ҳуштакбозлик қилди, биздан норози бўлдими? Бу ростдан ҳам жуда шиддатли, бироз “жинни” ўйин бўлди. Бизда ҳисобни ошириш учун жуда аниқ вазиятлар бўлди. Дунёдаги энг йирик клублардан бири сафида ўйнаётган экансан, босимсиз ҳаёт бўлмайди, бу табиий ҳолат», — деди Хёйсен.