"Реал" футболчиси фаолиятини янги жамоада давом эттириши мумкин

"Football24" нашри хабар беришича, Мадриднинг "Реал" клуби ярим ҳимоячиси Орельен Чуамени фаолиятини бошқа жамоа сафида давом эттириши мумкин. 

Манбада ёзилган маълумотларга кўра, айни вақтда франциялик футболчининг хизматларига "Манчестер Юнайтед" клуби қизиқиш билдирмоқда. "Қироллик клуби" футболчисини қўйиб юборишни истамаяпти. Мадридликлар аллақачон МЮнинг 80 миллион фунтлик таклифини рад этган. Лекин "қизил иблислар" хавбек учун астойдил курашмоқчи. Агар Орельенни учун яхши таклиф бўлса, "Реал" уни қўйиб юбориши мумкин. 

Аввалроқ, МЮ 25 ёшли футболчини Каземиро ўрнига идеал ўринбосар сифатида кўраётгани ҳақида хабар тарқалган эди. Бразилиялик футболчи ҳам ўз вақтида Испаниядан Англияга кўчиб ўтганди.

Эслатиб ўтамиз, франциялик ярим ҳимоячи жорий мавсум Хаби Алонсо қўл остида 15 учрашувда майдонга тушишга эришди.