"Реал" футболчиси МЮга ўтмоқчи, аммо...

“Реал” ҳимоячиси Серхио Регилон ҳамон “Манчестер Юнайтед”га ўтиш ҳақида ўйламоқда.

Журналист Фабрицио Романонинг маълум қилишича, манкунияликлар ҳам 23 ёшли испаниялик футболчини ўз сафида кўришни истамоқда, аммо улар “Қироллик клуби” талаб қилаётган 30 млн еврони тўламоқчи эмас.

Регилон ўтган мавсумни “Севилья” сафида ижарада ўтказган эди. Унинг “Реал” билан амалдаги шартномаси эса 2023 йилга қадар имзоланган.