"Реал" футболчиси учун мавсум муддатидан аввал якунланди

"Реал" ҳимоячиси Дани Карвахаль жорий ҳафта УЕФА Чемпионлар лигаси ярим финалидан ўрин олган "Челси"га (1:1) қарши дастлабки ўйинда мушакларидан жароҳат олган.

AS нашри тарқатган хабарга қараганда, 29 ёшли испаниялик футболчи жорий мавсум бошқа майдонга тушолмайди. Бироқ “қироллик клуби” ЕЧЛ финалига чиқса, Карвахаль ушбу ўйинга қадар соғайиши мумкин. Аммо шунда ҳам у ўйинга жисмонан тўлиқ тайёр бўла олмайди.

Дани Карвахаль жорий мавсум “Реал” сафида Ла Лигада бор йўғи 13 та ўйинда майдонга тушди. У ушбу ўйинларда жамоасининг 4 та голига ассистентлик қилди.

Зинедин Зидан бошчилигидаги “Реал” 33 турдан сўнг Испания чемпионатида “Атлетико”дан сўнг 2-ўринда бормоқда. Ҳамшаҳарлар орасидаги фарқ 2 очкони ташкил этади.