"Реал" футболчисига АПЛнинг икки клуби даъвогарлик қилмоқда

Мадриднинг "Реал" клуби ярим ҳимоячиси Орельен Тчуамени учун АПЛнинг икки жамоаси курашмоқда. Бу ҳақда "Fichajes" нашри маълум қилди.

Манбада берилган маълумотга кўра, франциялик футболчининг хизматларига айни вақтда "Тоттенхэм" ва "Ливерпуль" жамоалари қизиқиш билдирмоқда. Лондон клуби аллақачон хавбек учун "Реал"га 100 миллион евролик таклиф ҳам жўнатиб бўлган. 

26 ёшли футболчининг ҳозирда "трансфермаркт" порталидаги нархи 75 миллион еврони ташкил этади. Унинг "қироллик клуби" билан амалдаги шартномаси 2028 йилнинг ёзигача мўлжалланган.

Эслатиб ўтамиз, Тчуамени жорий мавсум мадридликлар сафида 28 та учрашувда майдонга тушиб, 1 та голли узатма амалга оширишга эришди.