"Реал"га "Ливерпуль"даги юлдуз керак

«Реал» Алексис Макаллистерни кузатмоқда. Футбол инсайдерларининг хабар беришича, Мадриднинг «Реал» жамоаси «Ливерпул» яримҳимоячиси Алексис Макаллистерга жиддий қизиқиш билдирмоқда. 

27 ёшли аргентиналик футболчи атрофида бир қатор топ-клублар даъвогар сифатида тилга олинмоқда.

Маълумотларга кўра, «Реал» ҳозирча расмий таклиф билан чиқмаган, аммо «Ливерпуль» ва Макаллистер ўртасидаги янги шартнома бўйича музокараларни диққат билан кузатиб бормоқда. 

Ҳозирги амалдаги шартнома 2028 йил ёзигача мўлжалланган. Агар томонлар яқин вақт ичида келишувга эриша олмаса, Жозе Моуриньо бошқараётган жамоа расмий таклиф тайёрлашга ҳозир.

Алексис Макаллистер 2023 йили «Брайтон» таркибидан «Ливерпуль»га ўтган эди. Жорий мавсумда у клуб сафида етти ўйин ўтказиб, икки марта рақиб дарвозасини ишғол этди ва бир бор голли узатма муаллифига айланди.