“Real” grandlar nishonidagi himoyachini oladigan bo‘lyapti

Germaniya terma jamoasi va Dortmundning “Borussiya” klubi markaziy himoyachisi Niko Shlotterbek joriy mavsum yakunlangach, Evropaning qudratli klublaridan biriga ko‘chib o‘tishi kutilmoqda.

Madrid Universal nashri xabariga ko‘ra, “Real” mutasaddilari  26 yoshli futbolchini yozda taklif etiladigan transfer nishonlari ro‘yxatiga kiritdi. Madriddliklar Niko jamoaning himoya chizig‘ini sezilarli darajada kuchaytirishiga ishonch bildirmoqda. 

Shlotterbekning dortmundliklar bilan shartnomasi 2027 yilning yozigacha tuzilgan. “Real”dan tashqari “Bavariya”, “Barselona” va qator boshqa grandlarning o‘ziga nisbatan qiziqishidan xabardor bo‘lgan o‘yinchi “Borussiya” bilan hamkorlikni uzaytirmaydi. Shu bois dortmundliklar uni kelasi yoz sotib yuborib, mo‘may daromad ishlab olish yo‘lini tutishi aytilmoqda. 

Transfermarkt portali ekspertlari dortmundliklar mudofaa chizig‘i yetakchisining transfer qiymatini 55 million yevroga baholamoqda.