"Реал" ҳимоячиси бу йил бошқа майдонга тушолмаслиги мумкин

Мадриднинг "Реал" клуби ҳимоячиси Начо Фернандес жорий календар йилида бошқа майдонга тушолмаслиги мумкин.

Клуб матбуот хизмати тарқатган хабарга қараганда 29 ёшли футболчининг ўнг тиззасидан олган жароҳати жиддий бўлиб чиққан. Шифокорларнинг сўзларига кўра Начо тахминан 2,5 ой даволанишига тўғри келади. Агар ҳаммаси кутилганидек кеча у декабрь ойи ўрталарида сафга қайтади. Акс ҳолда эса уни жорий 2019 календар йилида бошқа майдонда кўрмаймиз.

Маълумот учун, Начо жорий мавсум "Реал" сафида 3 та ўйинда майдонга тушди ва 2 та сариқ карточка олди.