"Реал" ҳимояга Италиядан футболчи олиб келмоқчи

"Реал Мадрид" италиялик ҳимоячи Алессандро Бастонини сафга қўшиб олиши мумкин. Бу ҳақда "Todo Fichajes" нашри хабар бермоқда.

Хабарларга кўра, Мадрид жамоаси футболчини узоқ вақтдан бери кузатиб келмоқда. Бироқ, италиялик футболчининг бу мавсумда кўрсатган юқори натижаси "қаймоқранглилар"ни қизиқтириб қўйди.

Манбанинг қўшимча қилишича, "Интер" Бастонидан воз кечишни хоҳламаяпти. Аммо клубнинг молиявий қийинчиликлари уларни таклифларга қулоқ тутишга мажбур қилиши мумкин.

Эслатиб ўтамиз, Бастонининг Италия клуби билан амалдаги шартномаси 2028 йилнинг ёзига қадар мўлжалланган. Трансфермаркт портали 25 ёшли ҳимоячини 75 миллион еврога баҳоламоқда.