"Реал" ҳужумчиси Бразилиянинг энг кучли футболчиси ким эканлигини айтди

"Реал" ҳужумчиси Родриго ПСЖ ҳужумчиси Неймар Бразилиянинг энг яхши футболчиси эканлигини айтди.

"Бразилия терма жамоаси Неймар атрофида ўйин қуриши керакми? Албатта, чунки у бизнинг таркибдаги энг яхши футболчи. Неймар майдонда ажойиб ҳаракатлар қилиши, кўпроқ гол уриши учун ҳамма нарсани қилишимиз керак. Агар у керакли даражада ўйнаса, жамоага кўп фойда келтиради ва бу бизнинг фойдамизга ишлайди", - дейди Родриго.

Шунингдек, ҳужумчи Аргентина терма жамоасини жуда кучли рақиб эканлигини ҳам такидлади. Родригонинг фикрича, Америка кубогини қўлга киритиш орқали улар қанчалик хавфли жамоа эканликларини кўрсатишди.

ЖЧ-2022 20 ноябрь куни бошланади. Бразилия терма жамоаси Сербия, Швейцария ва Камерун билан бир гуруҳдан жой олади.