“Реал” иккита сенсацион трансфер тайёрлаб қўйди

“Реал” мутасаддилари жамоага керакли футболчилар трансферини олдиндан ҳал қилиб қўйиш одатини анъанага айлантириб олди.

Айни пайтда клуб раҳбарияти келаси ёз амалга ошириладиган трансферлар бўйича иш олиб бормоқда.

Todofichajes нашри журналистларининг маълум қилишича, мадридликлар 2025 йилнинг ёзида “Ливерпуль”дан ҳимоячи Трент Александер-Арнольд ва “Интер”дан марказий ярим ҳимоячи Николо Бареллани олиб келмоқчи.

“Қироллик клуби” англиялик ҳимоячини “Ливерпуль” билан мавсум охирида якунланадиган шартномани узайтирмасликка ва Мадридга эркин агент мақомида келишга кўндирмоқчи бўляпти.

Барелла учун мадридликлар яхшигина харажат қилишига тўғр келади. Миланликлар билан ҳамкорлиги яна беш йил давом этиги белгиланган ярим ҳимоячи 80 миллион еврога баҳоланмоқда.